छोराछोरीसँग लण्डनमा रमाउँदै निखिल र संचिता
अभिनेता निखिल उप्रेती र अभिनेत्री संचिता लुईंटेल दम्पत्ती यतिबेला भ्याकेशन मुडमा छन् । आफ्ना दुई सन्तान सहित निखिल संचित लण्डन टुरमा निस्किएका हुन् ।
संचिताले फ्यामेली भ्याकेशनका तस्बिरहरु आफ्ना सामाजिक सञ्जालमा सेयर गरिरहेका छन् । जहाँ उनीहरु खुसी र फ्रेश देखिन्छन् । दुई महिना युरोप घुमेका उप्रेती लुईंटेल परिवार लण्डन भने दुई सातासम्म घुम्नेछ ।
निखिल उप्रेती र संचिताले लुईंटेलले दर्जनौं सफल फिल्महरुमा अभिनय गरेका छन् । एक्सन स्टार उप्रेती पछिल्लो समय अध्यात्मतिर छन् भने संचिता हाउस वाइफमै रमाइरहेकी छिन् ।
संचिता लुईंटेल अभिनित फिल्म ‘गुन्यौं चोली’ प्रदर्शनको पर्खाइमा छ भने निखिल उप्रेती नयाँ फिल्म निर्माण, निर्देशक, स्क्रिप्टिङमा छन् ।
