सिनेमाघर एपमा ’पशुपति प्रसाद २ः भष्मे डन’ रिलिज
फिल्म ’पशुपति प्रसाद’को चरित्र ’भष्मे डन’मा केन्द्रित सिक्वेलको रूपमा निर्माण भएको फिल्म ’पशुपति प्रसाद २ः भष्मे डन’ ओटिटिमा रिलिज भएको छ । यो फिल्म शनिवार ’सिनेमाघर एप’मा रिलिज भएको हो ।
’पशुपति प्रसाद २ः भष्मे डन’ हेर्न रु. १९९ रकम तिर्नुपर्ने हुन्छ । यस एपमा व्यवस्था रहेको सिनेक्वाइन प्रयोग गरेर निःशुल्क रूपमा समेत फिल्मत्रहरू हेर्न सकिन्छ । दीपेन्द्र के. खनालको निर्देशन रहेको यस फिल्ममा विपिन कार्की, सौगात मल्ल, स्वस्तिमा खड्का, रवीन्द्र सिंह बानियाँ, माओत्से गुरुङ, प्रकाश घिमिरे लगायत अन्य कलाकारहरुको अभिनय छ ।
टुकी आर्ट्सको ब्यानरमा निर्माण भएको यो फिल्मलाई निर्माता तथा अभिनेता खगेन्द्र लामिछानेले लेखेका हुन् । फिल्मको निर्माता पनि उनी स्वयं हुन् । नीरज कँडेलको डिओपी, कृष्ण थापाको छायाङ्कन, दीर्घ खड्काको सम्पादन, कृष्ण भारद्वाजको सङ्गीत रहेको छ ।
