साम्राज्ञी र स्वस्तिमालाई फिल्ममा सँगै हेर्न दर्शकको चाहना
अभिनेत्रीद्वाय साम्राज्ञी राज्यलक्ष्मी शाह र स्वस्तिमा खड्कालाई दर्शकले एकसाथ स्क्रिनमा हेर्न चाहना राखेका छन् । रमाइलो टेबलको पहिलो पाहुना बनेर हायात प्लेसमा पुगेका साम्राज्ञी र स्वस्तिमालाई दर्शकले उक्त शोमा सकारात्मक प्रतिक्रिया सहित फिल्ममा सँगै हेर्न चाहना राखेका हुन् ।
उसो त ड्रिम्स डेव्यु अभिनेत्री शाहले पनि स्वस्तिमासँग स्क्रिन सेयर गर्न आफु ईच्छुक रहेको बताइन् । स्वस्तिमाको ‘चिसो मान्छे’ असाध्यै मन परेको र उनीसँग स्क्रिन सेयर गर्दा आफुले धेरै सिक्न पाउने साम्राज्ञीको विश्वास छ । यता ‘दिमाग खराब’ फिल्मबाट लगातार पुरस्कार पाइरहेकी स्वस्तिमाले पनि साम्राज्ञीको खुलेर प्रशंसा गरिन् । ‘बेहुली फ्रम मेघौली’की निर्माता खड्काले फिल्म क्षेत्रकै ‘सुपरहट अभिनेत्री’को रुपमा आफुलाई स्वतः साम्राज्ञी लाग्ने बताइन् ।
रमाइलो संयोग त साम्राज्ञी र स्वस्तिमाले एकै साल सन् २०१६ मा अभिनेत्रीको रुपमा क्रमशः ‘ड्रिम्स’ र ‘होस्टल रिर्टन्स’बाट अभिनय यात्रा सुरु गरेका थिए । यी सफल अभिनेत्रीले सँगै फिल्म खेलेको खण्डमा पक्कै पनि प्रतिक्षित बन्नेछ ।
