साउन ४ बाट सर्यो ‘सतीदेवी’, अब भदौ ७ मा आउने
फिल्म ’सतीदेवी’ को रिलिज मिति हेरफेर गरिएको छ । यसअघि साउन ४ गते रिलिज तयारीमा रहेको फिल्म भदौ ७ गतेदेखि प्रदर्शनमा आउने भएको हो । निर्माताले एक प्रेस विज्ञप्ति जारी गर्दै केही प्राविधिक कारणले फिल्मको प्रदर्शन मिति हेरफेर गरिएको जानकारी दिएका हुन् ।
सो मितिमा कुनै पनि स्वदेशी वा विदेशी फिल्म नल्याउन वितरक, निर्मातामा अनुरोध समेत गरिएको छ । नयाँ प्रदर्शन मितिसँगै फिल्मको नयाँ पोस्टर समेत सार्वजनिक गरिएको छ । ’सतीदेवी’ महिला केन्द्रित सामाजिक फिल्म हो । लक्ष्मण सुवेदीको निर्माण एवं निर्देशन रहेको फिल्ममा अभिनेत्री मलिका महत मुख्य भूमिकामा छिन् । साथमा हर्षिका वली, मञ्जिला बानियाँ (बाल कलाकार), सन्दीपबाबु लोहनी, रमेश बुढाथोकी, कुलबहादुर अधिकारी, भोलाराज सापकोटा लगायत कलाकारको अभिनय छ ।
दिलाका क्रियसन प्रा.लीको ब्यानरमा बनेको फिल्मले यसअघि आयोजना गरिएका विशेष शोमा प्रशंसा पाउनुका साथै विभिन्न फेस्टिभलमा अवार्ड समेत जितेको छ ।
