नम्रता र गौरवको ‘नम्बरी सुन’ भदौ १ मा अनाउने
फिल्म ‘नम्बरी सुन’ भदौ १ गते हलमा नआउने भएको छ । निर्माण पक्षले अब यो फिल्म साउन २५ गते रिलिज हुने जानकारी गराएको हो ।
निर्माण टिमले नयाँ रिलिज डेट सँगै फिल्मका प्रमुख कलाकारहरु गौरव पहारी, नम्रता सापकोटा र विनोद न्यौपाने फिचर्ड नयाँ पोस्टरसँगै प्रदर्शन मिति समेत सार्वजनिक गरेको हो । नारायण खातीको शब्द कथा तथा प्रस्तुति रहेको फिल्मलाई राजु गिरीले निर्देशन गरेका हुन् । फिल्ममा गौरव पहारी, नम्रता सापकोटा, सरोज खनाल, राजाराम पौडेल, राजेन्द्र खड्गी, बुद्धि तामाङ, किरण नेपाली, सविन बास्तोला, विनोद न्यौपाने, गीता अधिकारीलगायतका कलाकारको अभिनय रहेको छ ।
सुवर्ण शिभान्स प्रोडक्सनको ब्यानरमा निर्माण भएको फिल्मको पटकथा तथा संवाद शिवम अधिकारीले लेखेका हुन् । सरोज खाती, सविन खाती र मनोज रिजालले मिलेर फिल्म निर्माण गरेका हुन् ।
