नयाँ फिल्म ’तै चुप मै चुप’ बन्दै
नयाँ फिल्म ’तै चुप मै चुप’ को निर्माण घोषणा गरिएको छ । सन्तोष अधिकारी फिल्म्सको व्यानर एवम् अस्याप इन्टरटेन्मेन्ट नेपाल र अष्ट्रेलियाको निर्माण सहकार्यमा बन्ने फिल्म ’तै चुप मै चुप’ लाई घनश्याम लामिछानेले निर्देशन गर्ने भएका छन् । फिल्ममा स्क्रिप्ट लेखन मनिष गौतमको रहेको छ ।
फिल्म ‘तैं चुप मैं चुप’को काठमन्डौ र पोखरामा छायाङ्कन हुने निर्माण पक्षले जनाएको छ । हाल फिल्मका लागी कलाकार र गीत सङ्गीत छनोटको काम भइरहेको छ । पोलिटिकल सस्पेन्स कथा रहेको उक्त फिल्ममा समसामयिक राजनीतिक घटनाक्रमहरूलाई कमेडी ढङ्गले प्रस्तुत गरिने निर्देशक घनश्याम लामिछानेले बताए । यस अघि पनि यही टिमले फिल्म चित्रा निर्माण र प्रदर्शन गरिसकेको छ ।
फिल्ममा आशिष थापा मगर र प्रतिमा थापाको लगानी रहने छ । फिल्म ’तै चुप मै चुप’ आगामी वर्ष भित्र प्रदर्शन गर्ने तयारी रहेको छ ।
