नेपाल आर्मीको हेलिकप्टरमा नायक सुशिल श्रेष्ठ
फिल्म ‘आउटलः दफा २१९’ बाट नायक सुशील श्रेष्ठको केही तस्बिरहरु सार्वजनिक भएका छन् । जहाँ, सुशील नेपाल आर्मीले प्रयोग गर्ने हेलिकप्टरमा देखिन्छन् । फिल्म असोज ३ गतेबाट प्रदर्शनमा आउँदैछ ।
सार्वजनिक सुशिलको तस्बिर अनुसार उनको नेपाल आर्मीसँग कस्तो कनेक्शन होला भन्ने कौतुहलता बढाएको छ । फिल्मको टिमले त्रिभुवन विमानस्थलमा रहेको नेपाल आर्मीको हेलिकप्टर पार्किङ एरियामै फिल्मको छायांकन गरेको हो । अमित अग्रहरीको निर्माणमा तयार भएको यो फिल्मलाई विक्की महर्जनले निर्देशन गरेका हुन् । विक्की महर्जनकै लेखन रहेको यो फिल्ममा नरेश पौडेल, शिक्षा संग्रौला, सुमन भण्डारी, हेम गुरुङ, सोनी लागुन लगायतको पनि अभिनय हेर्न सकिन्छ ।
विनोद कडायत र सशांक खड्का कार्यकारी निर्माता रहेको फिल्ममा विकास चौधरी सह-निर्माताको रुपमा छन् । नविन गुरुङको डीओपी रहेको यो फिल्ममा साहिल खानको सम्पादन छ ।
