दया मिरुनाको ‘घरज्वाइँ’ : मार्मिक गीत रिलिज

असार २८ गते, यो शुक्रबारबाट प्रदर्शनमा आउने फिल्म ’घरज्वाइँ’को दोस्रो गीत ’यानीमाया’ सार्वजनिक भएको छ । सार्वजनिक फिल्मको गीतमा कलाकार दयाहाङ राई र मिरुना मगर पिचर्ड छन् । गीत :

सार्वजनिक गीतमा हर्क साउदको शब्द रचना तथा मनोज थापा मगरको संगीत तथा स्वर रहेको छ । यही गीतको रिदममा सिनेमाको ब्याग्राउण्ड म्युजिक तयार गरिएको निर्देशकले केहीदिन अगाडी आयोजित फिल्मको ट्रेलर रिलिज कार्यक्रममा बताएका थिए । फिल्मको दृश्यभाषा र क्यारेक्टरको हिँडाइ र बोलाईलाई समेत सिनेमाको यही गीतको थिममा नै राखेर प्रस्तुत गरिएको उनको दाबी थियो । जिएम मूभीज र एबीएम सिनेमा प्रोडक्सनको ब्यानरमा निर्माण भएको सिनेमालाई सुसन प्रजापतिले खिचेका हुन् । पूर्वी रुकुम आसपासमा छायांकन गरिएको फिल्मको कथा निर्देशक अनिल आफैले लेखेका हुन् । पटकथा तथा संवाद लेखनमा भने उनलाई बिनोद खतिवडा र सुभाष कोइरालाले सघाएका छन् ।

फिल्मलाई जनक घर्ती मगरले निर्माण गरेका हुन् । फिल्ममा दयाहाङ राई, मिरुना मगर, बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले, शिला आले, अनु थापा, बिना थापा मगर, सोनाम लामा, बिबेश बुढा मगर, सुनिल मगरको अभिनय छ ।