बिपिन र बर्षाको ‘तेल भिसा’ मंसिर ७ मा लाग्ने
फिल्म ‘तेल भिसा’को पहिलो झलक सार्वजनिक भएको छ । फिल्मको नयाँ प्रदर्शन मिती मंसिर ७ गते लाई तय गर्दै तेल भिसाको फस्टलुक रिलिज गरिएको हो । शंकर घिमिरे निर्देशित फिल्मको अमेरिकामा पहिलो चरणको छायाँकन सकिएको छ ।
यो सोमबारबाट चितवनमा दोस्रो चरणको छायांकन सुरु भएको छ । फिल्मको सार्वजनिक पोस्टरमा अभिनेता विपिन कार्कीलाई दोहोरो भुमिकामा प्रस्तुत गरिएको छ । उनलाई जवान र बृद्ध गरी दुई फरक लुक्समा देखिएको छ । पोस्टरमा अभिनेत्री वर्षा राउत, ऋचा घिमिरे र पुजा लामाका साथमा विदेशी कलाकारलाई देख्न सकिन्छ । फिल्मको पोस्टरले दर्शकमाझ कौतुहल्ता जगाउने देखिन्छ ।
वेलडन क्रियसनको व्यानरमा ऋचा घिमिरेको प्रस्तुती रहेको फिल्ममा अनिश पाण्डे र शिवराज कार्कीको लगानी रहेको छ । प्रिन्स युवराज कार्की र श्रुती दाहाल कार्यकारी निर्माता रहेको तेल भिसामा सुशन प्रजापतिको छायांकन छ ।
