तर्साउने बन्यो बर्षाको ‘मोदीबेनी’को ट्रेलर
साउन १८ गते रिलिज हुने फिल्म ‘मोदीबेनी’को अफिसियल ट्रेलर सार्वजनिक गरिएको छ । बिहीबार काठमाडौंको नयाँ बानेश्वरमा रहेको आइएनआइ सिनेमा हलमा एक कार्यक्रमको आयोजना गरी ट्रेलर सार्वजनिक गरिएको हो । प्रोमो :
ट्रेलर पूणर् प्याकेजको बनेको छ । एक्सन, प्रेम, कमेडी, वेदना तथा पारिवारिक कथा समेट्दै यसले थ्रिल महसुस गराउँछ। ट्रेलरमा देखाइने केही दृश्यहरू ‘सरप्राइजिङ’ छन्। यसमा अभिनेत्री वर्षा सिवाकोटी र नव अभिनेता अमर प्रताप श्रेष्ठबिच अंकुराएको प्रेमलाई सुन्दर ढङ्गले बुनिएको छ । जब ट्रेलर क्लाइमेक्समा पुग्छ तब वर्षाको रौद्र रूपले चकित तुल्याउँछ ।
ट्रेलरमा दशक अघि हिरोइन भएर दर्जनौँ फिल्ममा काम गरेकी रेजिना उप्रेती वर्षाको आमाको भूमिकामा देखाइएको छ। उनलाई सेतै फुलेको कपालमा देख्न सकिन्छ । अभिनेता सरोज खनालको लुक्स पनि ट्रेलरको आकर्षक पक्ष हो । उनी पनि सेतै फुलेको लामो दाह्री र जुँगामा देखिएका छन् । यही फिल्मबाट डेब्यु गरेका अमर प्रताप श्रेष्ठको लुक्स र अभिनय राम्रो देखिएको छ । उनको एक्सन पनि छरितो छ ।
शाहिल खानले तयार पारेको ट्रेलर हेरेर फिल्मका कलाकारहरू पनि दङ्ग देखिएका थिए। यो ट्रेलर युट्युबमा पनि सार्वजनिक भएको छ। युट्युबमा दर्शकले ट्रेलर प्रभावशाली रहेको प्रतिक्रिया दिइरहेका छन् । ट्रेलरले दर्शकलाई हलसम्म आकर्षित गर्न सक्ने देखिएको छ ।
शङ्कर कोइरालाले निर्देशन गरेको यस फिल्ममा वर्षा सिवाकोटी, अपर प्रताप श्रेष्ठ, सरोज खनाल, प्रवीण खतिवडा, रेजिना उप्रेती, दिलीप केसी, जीवन भट्टराई, कमलमणि नेपाल, स्नेहा भट्टराई, सुब्रतराज आचार्य, अनामिका लामिछाने, पूजन श्रेष्ठ, गोविन्द सुनार, सरोज अर्याल, लविस गर्तौला, शेर बहादुर बराल, रोजी श्रेष्ठ, हिउवाला गौतम लगायतको अभिनय रहेको छ ।
कार्यक्रममा निर्देशक दीपा श्री निरौलाले ‘मोदीबेनी’को सफलताको शुभकामना दिइन् । उनले फिल्मको टिममा निकै उर्जा रहेकोले सफल हुनेमा विश्वास व्यक्त गरिन् ।
