दिपाश्रीको जन्मदिनमा दिपकराजको मनछुने कविता

आज भदौ ७ गते निर्देशक दिपाश्री निरौलाको जन्मदिन हो । ब्लकबस्टर ‘छक्का पञ्जा’ सिरिजकी निर्देशक निरौलालाई सामाजिक सञ्जालमा धेरैले शुभकामना दिइरहेका छन् । यस्तैमा उनका हितैषी सहकर्मी दिपकराज गिरीले पनि फेसबुकमा मनछुने कविता कोर्दै दिपालाई जन्मदिनको शुभकामना दिएका छन् । दिपाश्रीको जन्मदिनमा दिपकराजको कविता यस्तो छ :

बिहानै उठेर शब्दको फूलबारिमा छिरें,
तिम्रा लागि सुन्दर शब्द टिप्छु भनेर ।
शब्दको माला बनाउन बगैंचामा फूलहरू
सधैं झै आज पनि अपुग नै थिए ।
जति शब्दहरू भेटे त्यसैको माला उन्दैछु,
कनिकुथि ती शब्दहरूको सानो कथा बुन्दैछ ।
अरूले खाएको देखेर आफु अघाउने,
अरूको पिडामा आफ्नो ऑशु बगाउने ।
तिमी जस्तो निष्कपट साथि कहाँ पाइन्छ…?
यो भन्दा बढि लेख्न अब शब्दकोश नै चाहिन्छ,
जन्मदिनको हार्दिक शुभकामना साथी !

‘धनियाँको दुनियाँ’, ‘तितो सत्य’देखि ‘छक्का पञ्जा’सम्म दिपक र दिपाले सफल सहकार्य गर्दै आइरहेका छन् । दिपक दिपाको पछिल्लो फिल्म ‘छक्का पञ्जा ५’ दशैंको घटस्थापनादेखि प्रदर्शन हुँदैछ । जहाँ दिपकराज गिरी, केदार घिमिरे, बर्षा सिवाकोटी लगायत अन्य कलाकारहरुको अभिनय छ ।