‘द्रौपदी’को अडिसनमा चार सय बढीको सहभागिता !
आर.बि मुभिजको ब्यानरमा बन्दै गरेको फिल्म ‘द्रौपदी’को शनिबार अडिसन राखिएको थियो । तर द्रौपदीमा काम गर्ने इच्छुक सहभागीहरु धेरै आएकोले हिजो अडिसन नसकिएको निर्माण टिमको दाबी छ ।
राति ८ बजे सम्म अडिसन नसकिएपछि आइतबार बिहान ९ बजेदेखि १ बजेसम्म अडिसन समय थपिएको बताइन्छ । सहभागीहरुलाई निराश नबनाउन अडिसनमा सहभागी हुन चाहने प्रतिभाहरुलाई दुई दिन समय दिएर अडिसन लिइएको निर्देशक ऋषिराज आचार्यले जानकारी दिएका छन् । यति धेरै नयाँ प्रतिभाहरु अभिनय सिकेर, चलचित्र पढेर काम गर्न तयार भएको देखेर आफुलाई खुशी लागेको पनि निर्देशक आचार्यको दाबी छ । शनिबार र आइतबार चार सय सोह्र जना कलाकारहरू अडिसनमा सहभागी भएको उनको दाबी छ ।
चाँडै नै अडिसनबाट कलाका छनोट गरेर वर्कसप सुरु गरिने र छायांकनमा जाने छ निर्माण युनिटको योजना छ ।
