यो लगनमा हुने भो सौगात र वेनिशाको ‘झ्यानाकुटी’
नायिका निशा अधिकारीले निर्माण गरेको फिल्म ‘झ्यानाकुटी’ को प्रदर्शन मिति पक्का गरिएको छ । सामाजिक सञ्जाल फेसबुकमा फिल्मको फस्ट लुक सार्वजनिक गर्दै निर्मात्री अधिकारीले भदौ ८ गते ‘झ्नाकुटी’ लाग्ने जानकारी गराएकी छिन् ।
सिमोश सुनुवारको निर्देशन रहेको फिल्म ‘झ्यानाकुटी’ मा नायक सौगात मल्ल र नायिका वेनिशा हमाल मुख्य भूमिकामा प्रस्तुत भएका छन् । सार्वजनिक पोस्टरमा वेनिशाले सौगातलाई काँधमा बोकेकी छिन् । कमेडी वेसको फिल्मको पोस्टरमा पनि कमेडी नै छ । पोस्टरमा नयाँपन देखिन्छ । हरी हुँमागाईंको छायाँकन रहेको फिल्मको सम्पूर्ण छायाँकन सकिएको छ । फिल्मको हाल सम्पादन कार्य भैरहेको छ । ‘झ्यानाकुटी’ मा निशाले निर्देशक सुनुवारलाई निर्देशनमा सघाएकी छिन् ।
