६ फोटोमा हेर्नुस् सौगात र प्रियंकाको ‘फाटेको जुत्ता’
छायाँकनरत फिल्म ‘फाटेको जुत्ता’ का केही तस्बिरहरु प्राप्त भएका छन् । रमाइलो छ डटकमलाई प्राप्त तस्बिरहरुमा फिल्मका मुख्य दुई पात्रहरु नायक सौगात मल्ल र नायिका प्रियंका कार्की अनि ‘क्राउड’ प्रस्तुत छन् । निर्माता अर्जुन कुमारले विरगञ्जमा मानिको भिडबिच सुटिङ भैरहेको बताए ।
‘अबको दुई सातामा सुटिङ सकिन्छ’ निर्माता कुमारले भने, ‘गर्मी भएपनि काम भैरहेको छ । सबै टिम मिलेर काम गर्दैछौं ।’ निकेश खड्काको निर्देशन तथा निरज महर्जनको कथा रहेको फिल्ममा सौगात र प्रियंका सँगै कामेश्वर चौरसिया, रविन्द्र झा, बुद्धि तामाङ, सन्दिप क्षेत्री र आमिर गौतमको अभिनय रहेको छ । निरज कंडेलको सिनेम्योटोग्राफी रहेको ‘फाटेको जुत्ता’ पूर्ण रुपमा हाँस्य प्रधान फिल्म हो ।
