सेफको भेषामा हरिवंश र निरुताको रोमान्स (६ तस्बिर)
‘भिजिट भिसामा’को सफलतापछि फिल्म ‘दाल भात तरकारी’को शिर्ष गीत सार्वजनिक गरिने भएको छ । हरिवंश आचार्य, निरुता सिंह, पुष्प खड्का र आँचल शर्मा फिचरिंग गीतको भिडियो शुक्रबार सार्वजनिक गरिनेछ ।
यो भन्दा पहिले गीतका केही तस्बिरहरु रिलिज भएका छन् । जहाँ हरिवंश र निरुता सेफको भेषमा निकै रोमान्टिक मुडमा देखिएका छन् । उनीहरुको रमाइला तस्बिरले गीतप्रति उत्साह पैदा गराएको छ । हरि र निरुतासँगै गीतमा पुष्प र आँचल पनि प्रस्तुत हुनेछन् ।
मह सञ्चारको प्रस्तुतीमा किरण केसीले निर्माण गरेको फिल्म ‘दाल भात तरकारी’ लाई सुदन केसीले निर्माण गरेका हुन् । फिल्म बैशाख १३ गतेदेखि प्रदर्शन हुँदैछ ।
