मोफसल प्रचारमा ‘जोनी जेन्टलम्यान’ टिम
यही शुक्रबार अर्थात् भदौ ३० गतेदेखि प्रदर्शनमा आउने फिल्म ‘जोनी जेन्टलम्यान’ टिम मोफसल यात्रामा निस्किएको छ । नायक पल शाह, नायिका आँचल शर्मा र निर्माता अजय मल्ल ठकुरी पोखरा, बुटवल र चितवन हुँदै राजधानी फर्किनेछन् । नितिन चन्दको निर्देशन रहेको फिल्म अजय, र एन्ड्रियु पौडेलको संयुक्त लगानी छ ।
मोफसलमा पत्रकारसँगको भेटघाटमा नायक पल शाहले जोनी जेन्टलम्यान सबैले मन पर्ने फिल्म रहेको बताए । नायिका आँचल शर्माले आफ्नो भूमिका बारे भनिन्, ‘मैँले फिल्ममा श्रीको भूमिका निर्वाहा गरेको छु । श्रीले जोनीलाई कसरी जेन्टलम्यान बनाउँछे भन्ने कुरा दर्शकहरुले फिल्ममा हेर्न पाउनुहुन्छ ।’ फिल्ममा रुपेश थापा र रामशरण उप्रेतीको छायाँकन, पारस विक्रम शाह र देव महर्जनको द्धन्द्ध, केशव थापा र प्रविन सिंहको नृत्य निर्देशन, महेश दवाडीको डाइलग, स्टोरी र स्क्रिप्ट छ । अजय मल्ल ठकुरी कार्यकारी निर्माता रहेको फिल्ममा सन्जु शाह सह-निर्माताको रुपमा रहेका छन् । पल र आँचलसँग गरिएको रमाईलो कुराकानी हेर्नुस् :
