२ रुपैयाँमै फिल्म हेर्न पाएपछि दंग दर्शक
कमलपोखरीस्थित कुमारी हलमा बिहान ७ बजे देखि नै दर्शकहरु फिल्म ‘दुई रुपैयाँ’ हेर्न भेला भएका थिए । साढे १२ बजको शोको लागि बिहानै देखि दर्शक हलमा जम्मा भएपछि हल व्यवस्थापक विनोद पौडेल अचम्ममा परिरहेका थिए । खासमा दुई रुपैयाँमै टिकट गरिद गरेर फिल्म हेर्न पाउने भएपछि दर्शकहरु सबैरै हलमा जम्मा भएका थिए ।
फिल्म निर्माण कम्पनीले एक सय जनालाई ‘दुई रुपैयाँ’ मा फिल्म देखाउने उद्घोष गरेको थियो । तर दर्शकको चाप बढेपछि पचास जना थप गरेर बिहिबार दुई रुपैयाँमा एक सय पचास जनालाई दुई रुपैयाँ देखाइएको हो । दर्शकको यस किसिमको सहभागीताले टिममा हौसला प्रदान भएको निर्देशक असिम शाहले बताएका छन् । कलाकार बुद्धि तामाङ पनि दुई रुपैयाँमा फिल्म हेर्ने दर्शकसँग अन्र्तक्रिया गर्न कुमारी हल गएका थिए । निश्चल बस्नते, अशिम शाह र स्वस्तिमा खड्का भने फिल्म प्रचारका लागि मोफसल निस्किएका छन् । निश्चल र आशिफसँग गरिएको रमाईलो कुराकानी हेर्नुस् :
