पल शाहका नक्कली म्यानेजर बनेर ठगी गर्ने पक्राउ
नायक पल शाहको नक्कली म्यानेजर बनी ठगी गर्दै आइरहेका विराटनगरका आमोद भट्टराई पक्राउ परेका छन् । बाढी पीडितका लागि सहयोग भन्दै रकम उठाउँदै आएका ठगी आमोदलाई रुकुमकी शर्मिला कठायताको सहयोगले विराटनगर सिआइबिले मंगलबार प्रक्राउ गरेको हो ।
युवा पुस्तामाझ प्रिय नायक पलकी फ्यान सर्मिलाले भट्टराईलाई किस्तामा ३१ हजार रुपैयाँ दिइसकेकी थिइन् । पछि पल शाहका सक्कली म्यानेजर हो कि होइनन् भन्ने शंका लागेपछि सर्मिला मिडियामा आइन् । अनुसन्धानमा ती युवा पल शाहको नक्कली म्यानेजर भएको पत्ता लाग्यो र उनी पक्राउ परे । आफ्नो नक्कली म्यानेजर बनेर ठगी गर्दै आइरहेका आमोदलाई पक्राउ गर्ने समयमा पल पनि विराटनगरमै थिए । भट्राईले नायिका आँचल शर्माको पनि नक्कली आइडी समेत बनाएकोमा प्रहरीले अनुसन्धान गरिरहेको छ । यो भिडियो हेर्नुस् :
