‘ए मेरो हजुर २’को ‘कसम हो कसम’लाई १ करोड भ्युज
यस वर्षको सुपरहिट फिल्म ‘ए मेरो हजुर २’ को शिर्ष गीतको भिडियोलाई युटुवमा एक करोड बढी पटक हेरिएको छ । कृष्णहरी बरालको शब्द, सुगम पोखरेलको स्वर र कल्याण सिंहको संगीत रहेको गीतलाई युटुवमा अपलोड भएको करिब साढे ६ महिनामा एक करोड भन्दा बढी पटक हरिएको हो । रेनेशा वान्तवा राईको कोरियोग्राफी रहेको गीतको भिडियो :
झरना थापाको डेव्यु निर्देशन र सुनिल कुमार थापाको निर्माण रहेको फिल्म ‘ए मेरो हजुर २’ यसै वर्ष प्रदर्शनमा आएको थियो । सार्वजनिक प्रदर्शनमा सुपरहिटको व्यापार गर्न सफल फिल्ममा साम्राज्ञी राज्य लक्ष्मी शाह, सलिनमान बनियाँ, सलोन बस्नेत लगायत कलाकारहरुको अभिनय रहेको छ । सलिन र साम्राज्ञीसँग गरिएको रमाईलो कुराकानी हेर्नुस् :
