मोफसलमा खुसीयाली बाँड्दै ‘छक्का पञ्जा २’ टिम
सफलताको खुसीयाली साट्न ‘छक्का पञ्जा २’ टिम मोफसलतर्फ लागेको छ । निर्देशक दिपाश्री निरौला, निर्माता तथा कलाकार दीपकराज गिरी, जितु नेपाल र नायिका स्वस्तिमा खड्काको टोलीले बुधबार हेटौंडाका दर्शकसँग खुसीयाली साट्यो भने बिहिबार चितवनका दर्शकसँग खुसीयाली साट्दैछ ।
चितवनपछि ‘छक्का पञ्जा २’ टोली शुक्रबार पोखरा र दांगका हलहरुमा जाँदैछ । मल्टीस्टार कमेडी फिल्मले मोफसलबाट मात्रै मंगलबार सम्म करिब ७ करोडको ग्रस कलेक्सन गर्न सफल भएको छ । फिल्मको अल नेपाल कलेक्सन हालसम्म करिब साढे तेह्र करोड पुगेको रिपोर्ट छ । दिपाश्री निरौलो निर्देशित दोश्रो फिल्म ‘छक्का पञ्जा २’ सर्वाधिक कलेक्सन गर्ने दोश्रो फिल्म बन्न सफल भएको छ । हल रिपोर्ट हेर्नुस् :
सर्वाधिक कलेक्सन गर्ने पहिलो फिल्ममा दिपाश्रीकै निर्देशन रहेको ‘छक्का पञ्जा’ छ । पहिला र दोश्रो श्रृंखलाको सफलतापछि टिम ‘छक्का पञ्जा ३’ निर्माणको तयारीमा जुटेको छ । तेश्रो श्रृंखलालाई पनि दिपाश्रीले नै निर्देशन गर्नेछिन् ।
