भीष्म पितामह शाहको फिल्म क्षेत्रमा ५० वर्ष पूरा
वरिष्ठ फिल्मकर्मी नीर शाहले नेपाली फिल्म क्षेत्रमा आफ्नो पचास वर्ष पूरा गरेका छन् । असोज २६ गते आफ्नो ६४ औं जन्मदिन मनाउँदै गर्दा शाहले यस क्षेत्रमा आवद्ध भएको ५० वर्ष पूरा गरेका हुन् । आउँदो साल उनको वायोपिक पुस्तक समेत सार्वजनिक गर्ने तयारी हुँदैछ ।
नेपाल टेलिभिजनका संस्थापक अध्यक्ष शाह फिल्म क्षेत्रका विभिन्न विधासँग आवद्ध छन् । उनी गीतकार, कलाकार, निर्माता तथा निर्देशकको विधामा अब्बल मानिन्छन् । नीरले ‘स्वर्ग’, ‘बसन्ती’, ‘बासुदेव’, ‘पच्चीस बसन्त’ जस्ता सम्झनयोग्य फिल्म निर्देशन गरेका छन् । उनी नेपाली फिल्म क्षेत्रका बलिया खम्बा हुन् । जसले नेपाली फिल्मको संरक्षण र संवद्र्धनमा आफ्नो जीवन लगाएका छन् ।
नेपाली फिल्मका भीष्म पितामहले ६४ औं जन्मदिनमा यस क्षेत्रका सिमित कलाकर्मीसँग रमाईलोसँग मनाए । कलाकार अनुरागमानसिंह कुँवरको संयोजकत्वमा अभिनेत्री गौरी मल्ल, अभिनेता अर्जुनजंग शाही, कलाकार सन्दिप क्षेत्री, नायिका पूजा शर्मा लगायत शाहको जन्मदिनमा उपस्थित थिए । शाहको ६४ औं जन्मदिनको यो रमाईलो भिडियो हेर्नुस् :
