राजेश र करिश्मालाई नम्रताको यस्तो चुनौती

स्तन क्यान्सर सचेतनाका लागि नायिका नम्रता श्रेष्ठले सेल रोटी पकाउने प्रतिस्पर्धा सुरु गरेकी छिन् । महानायक राजेश हमाल, सदाबहार सुन्दरी अभिनेत्री करिश्मा मानन्धर, नायिका केकी अधिकारी, र्यापर आशिष राना लाउरे, बैंकर रविना देशराज जोशी यस सचेतना अभियानमा सहभागी हुन आव्ह्वान गर्दै उनीहरुलाई सेल रोटी पकाउन चुनौती दिएकी हुन् ।

यस सचेतनामा सहभागी हुनेले आफुले पकाउँदै गरेको सेल रोटीको छोटो भिडियो फेसबुकमा अपलोड गरी #breastcancerawareness #selrotichallenge गर्नुपर्नेछ । यस्तै स्तन क्यान्सर पिडितको लागि नम्रताले आर्थिक सहयोगको अपिल पनि गरेकी छिन् । प्राप्त सहयोग रकमलाई नेपाल क्यान्सर अस्पताललाई हस्तान्तरण गरिने नम्रताले बताएकी छिन् । नम्रता आफुले पनि सेल रोटी पकाएको भिडियो फेसबुकमा पोस्ट गरेकी छिन् । यद्पी नम्रताले च्यालेञ्ज गरेका कसैले पनि सेल रोटी पकाएको भिडियो फेसबुकमा अपलोड गरेका छैनन् ।