एकल पर्दामा ‘रुद्रप्रिया’ व्यापार राम्रो
गत बिहिबार, कात्तिक २ गते लक्ष्मीपुजाको दिनदेखि प्रदर्शनमा आएको फिल्म ‘रुद्रप्रिया’ ले सुखद सुरुवाती व्यापार गरेको छ । झण्डै आठ वर्षपछि एकसाथ स्क्रिन सेयर गरेका रेखा र आर्यनको फिल्मले विशेष गरी एकल पर्दामा दर्शक तानिरहेको छ । तीन दिनको एकमुष्ट व्यापार भने आइसकेको छैन ।
सुदिप बबी भूपाल सिंह निर्देशित फिल्म ‘रुद्रप्रिया’ मा रेखा एसिड आक्रमणमा परेकी युवतीको भूमिकमा प्रस्तुत भएकी छिन् । आफ्नो फिल्मी करिअरमै रेखाले ‘रुद्रप्रिया’ मा फरक भूमिका निभाएकी हुन् । आर्यन लभर व्वोयको भूमिकामा प्रस्तुत हुँदा कलाकार राजन ईशान भिलेनको भूमिकामा छन् । संजय लामाको छायाँकन रहेको फिल्ममा राजनराज सिवाकोटी, अर्जुन पोखरेल र सुरेश अधिकारीको संगीत छ । फिल्मलाई रमेश एमके पौडेल र सरस्वती थापाले निर्माण गरेका हुन् ।
