हल बुक गरेर चौधरी परिवारले हेरे ‘छक्का पञ्जा २’
धनाढ्य विनोद चौधरीले फिल्म ‘छक्का पञ्जा २’ हेरेका छन् । कात्तिक ४ गते भाईटिकाको राती पुल्चोकस्थित लाबिम मलको दश बजेको शो बुक गरेर चौधरी परिवारले यो सुपरहिट फिल्म हेरेका हुन् । चौधरी परिवारलाई ‘छक्का पञ्जा २’ निर्माण समुहले हलमा स्वागत गरेको थियो ।
किन आएका रैछन् त चौधरी परिवार प्रदर्शनको चौथो हप्तामाा ‘छक्का पञ्जा २’ हेर्न ? ‘फिल्मको चर्चा सुनेर हेर्न आएको भन्नु भो’, विनोद चौधरीको भनाई उदृध गर्दै निर्देशक दिपाश्री निरौलाले भनिन्, ‘हाम्रै फिल्म ‘छक्का पञ्जा’ पछि हलमा फिल्म हेर्न आउनु भएको रैछ ।’ फिल्मले गरेको पन्ध्र करोडको व्यापार सुन्दा चौधरी परिवार अचम्ममा परेको समेत निर्देशक निरौलाले सुनाइन् । ‘उहाँहरुले मिलेर फिल्म बनाउने ईच्छा समेत व्यक्त गर्नु भयो’, दिपाले भनिन् । प्रदर्शनको चौथो हप्तामा रहेको ‘छक्का पञ्जा २’ ले झण्डै पन्ध्र करोडको व्यापार गरेको छ । हालसम्म पनि फिल्म झण्डै एक दर्जन हलहरुमा प्रदर्शनरत छ ।
