‘बैजु बावरा’मा रणवीरसँगै आलिया र दीपिका
एजेन्सी- निर्देशक सञ्जयलीला भन्साली फिल्म ‘बैजु बावरा’को तयारीमा छन् । यो फिल्ममा अभिनेता रणवीर कपुर, आलिया भट्ट र दीपिका पादुकोण पहिलोपटक एकसाथ देखिने भएका छन् ।
मल्टिस्टारर फिल्ममा २–२ अभिनेता र अभिनेत्री हुनेछन् । रणवीर, दीपिका र आलियालाई फिल्मका लागि फाइनल गरिसकेको छ । फिल्ममा आलिया रणवीरको अपोजिटमा हुनेछिन् । आलिया मीना कुमारीले निभाएको भूमिकामा देखिँदै छिन् । अभिनेत्री दीपिका पादुकोणले डाँकु रुपमतीको भूमिका निभाउँदै छिन् ।
तानसेनको भूमिकाका लागि अर्का अभिनेता भने अहिले फाइनल नभएको भारतीय मिडियामा उल्लेख छ । ‘बैजु बावरा’ विजय भट्टले निर्देशन गरेको सन् १९५२ मा रिलिज भएको फिल्म हो । जसलाई निर्देशक भन्सालीले पुनः एकपटक निर्माण गर्दै छन् ।
