रोहितको ‘सर्कस’मा रणवीर सिंह
एजेन्सी– बलिउड निर्देशक रोहित शेट्टीले फिल्म ‘सर्कस’को घोषणा गरेका छन् । यो फिल्ममा रणवीर सिंह डबल रोलमा देखिदैछन् ।
यो फिल्म विलियम शेक्सपीयरको क्लासिक नाटक ‘द कमेडी अफ इयर्स’मा आधारित छ । यो फिल्मको जानकारी दिर्दै तरण आदर्शले लेखेका छन्, ‘बिग न्यूज… रणवीर सिंह र निर्देशक रोहित शेट्टी एक पटक फेरी साथ आउदैछन् । फिल्मको नाम हो सर्कस । रोहितले यो ‘कमेडी अफ इयर्स’बाट लिएका हुन् । यसमा को–स्टार पूजा हेगडे, ज्याकली फर्नाडिस र वरुण शर्मा । निमार्ण र निर्देशन दुवै रोहितकै छ ।’
यो फिल्मको छायांकन अर्काे महिना देखि सुरु हुनेछ । रणवीरले रोहितको फिल्म ‘सिम्बा’मा काम गरेका थिए । त्यस्तै, उनी ‘सुर्यवंशी’मा पनि देखिदैछन् । तर यो फिल्म रिलिज भएको छैन । सर्कसमा रोहित र रणवीर तेस्रो पटक सहकार्य गर्देछन् ।
