‘मैले क्यान्सरलाई जिते’: संजय दत्त
एजेन्सी– बलिउड नायक संजय दत्तले क्यान्सरलाई जितेका छन् । उनले सामाजिक सञ्जाल मार्फत क्यान्सरलाई जितेको जानकारी दिएका छन् ।
उनले लेखेका छन्, ‘पछिल्लो केही साता म र मेरो परिवारका लागि निकै कठिन समय थियो । तर भन्छन् नि, भगवान कठिन लडाई लड्नको लागि सबैभन्दा बलियो सैनिकलाई छनोट गर्छन् । र आज मेरो बच्चाको जन्मदिनको अवसरमा मैले यो लडाईलाई जितेर फर्किएको छु । परिवारको लागि सबैभन्दा राम्रो उपहार हो ।’
संजयले थप्दै लेखेका छन्, ‘यो तपाइहरुको आशीर्वाद बिना सम्भव थिएन । तपाईहरुको समर्थन र प्राथनाले मैले क्यासन्सर जिते । परिवार, साथी र फयान्लाई धन्यवाद । तपाईहरुले मेरो लडाईमा साथ दिनु भयो । म कोकिलाबेन अस्पतालको नर्स र मेडिकल स्टाफसँग आभारी छु ।’ संजयलाई फोक्सोको क्यान्सर भएको थियो ।
