‘सुपर गोर्खे’ मा रोमान्टिक ऋचा, यो हो प्रदर्शन मिति
नायिका ऋचा सिंह ठकुरीले निर्माण गरेको फिल्म ‘सुपर गोर्खे’ मा समावेश ‘तिमी नै हौं’ बोलको रोमान्टिक गीतको भिडियो रिलिज भएको छ । तारा प्रकाश लिम्बुको संगीत, ज्ञानेन्द्र ताम्लिङको शब्द रहेको गीतमा गायिका रजनी रिमाललाई संगीतकार लिम्बुले साथ दिएका छन् । रामजी लामिछानेले कोरियोग्राफी गरेको गीतको भिडियो यस्तो बनेको छ :
राज थापा निर्देशित फिल्म ‘सुपर गोर्खे’ मा ऋचा सिंहसँगै सुरज सिंह ठकुरी, निराजन लुईंटेल, भुपेन्द्र क्षेत्री सचिन केसी, कामना भुजेल, भानुदेव विष्ट, उत्तम विष्ट, विनय दाहाल, सन्तोषी श्रेष्ठ र राज थापाको अभिनय रहेको छ ।किरण माईकलको लेखन रहेको फिल्मलाई सौरभ लामाले खिचेका हुन् भने द्धन्द्ध निर्देशन चन्द्र पन्तको छ ।
निर्माताको रुपमा ईश्वरी सिंह ठकुरी, रामकृष्ण र सुदिपजंग थापा रहेका छन् । विवाहपछि ऋचा सुपर गार्खे लिएर दर्शकमाझ आएकी हुन् । फिल्म मंसिर २९ देखि देशभर लाग्दैछ ।
