केकी अधिकारीले तय गरिन् हुइकँने मिति
फिल्म ‘कोहलपुर एक्सप्रेस’ को प्रदर्शन मिति तय गरिएको छ । आउँदो सालको बैशाख १४ गते फिल्म रिलिज हुने निर्मात्री केकी अधिकारीले घोषणा गरेकी हुन् । ‘कोहलपुर एक्सप्रेस’ को विगत तीन सातादेखि नेपालगञ्जमा छायाँकन भैरहेको छ ।
‘कोहलपुर एक्सप्रेस’ मार्फत केकीले फिल्म निर्माणमा हात बढाएकी छिन् । म्युजिक भिडियो निर्देशक विशाल भण्डारीले पनि यही फिल्म मार्फत फिचर फिल्म निर्देशनमा डेव्यु गरेका छन् । फिल्ममा केकी सहित नायिका प्रियंका कार्की, ऋचा शर्मा, कलाकारहरु बुद्धि तामाङ, रविन्द्र झा,विनोद न्यौपाने, कुशाग्र भट्टराई लगायतको अभिनय रहेको छ ।
फिल्म निर्माणमा भद्र बहादुर शाही, देवी लाल न्यौपाने र शिव प्रसाद चौंलागाईंले सहकार्य गरेका छन् । फिल्ममा बसन्त सापकोटा, अर्जुन पोखरेल र कालिप्रसाद बाँस्कोटाले संगीत दिएका छन् ।
