‘मिस्टर झोले’ ले ल्यायो दुई प्रतिस्पर्धा

फिल्म ‘मिस्टर झोले’ ले केहि समय अगाडी रिलिज ‘ओखती…’ बोलको गीतलाई डान्स र ड्रामा दुवै विधामा प्रतिस्पर्धा आव्हान गरेको छ । पुष २८ गते रिलिज हुने फिल्मले प्रचार प्रसारलाई अघि सार्दै यस प्रकारको प्रतिस्पर्धा अघि सारेको हो । गीतको भिडियो हेर्नुस् :

पुष २३ गते (जनवरी ७)मा विजेता घोषणा हुने प्रतिस्पर्धाको लागि सोमबार देखि कभर भिडियो स्पर्धा सुरु भएको छ । जो कोहि ईच्छुकले कभर भिडियो बनाई पुष २१ गते (जनवरी ५)सम्म ([email protected]) मा मेल गरेर भाग लिन सक्नेछन् । यो प्रतिस्पर्धामा प्रथम हुनेले १ लाख ५५ हजार, दोस्रो हुनेले १ लाख २५ हजार र तेस्रो हुनेले १ लाख ५ हजार नगद पुरस्कार जित्नेछन् । रामबाबु गुरुङको कथा र निर्देशन रहेको फिल्ममा दयाहाङ राई, वर्षा राउत, दिया पुन, पुस्कर गुरुङ, बुद्धी तामाङ, प्रविण खतिवडा, अरुणा कार्की, कमलमणि नेपाल लगायतका कलाकारको अभिनय छ । सिनेमा आर्ट र टेकेन खड्का प्रोडक्सनको व्यानरमा निर्मित ‘मिस्टर झोले’ लाई टेकेन खड्काले निर्माण गरेका हुन् । फिल्मका कार्यकारी निर्माता रौनकबिक्रम कडेल हुन् ।

कालिप्रसाद बाँस्कोटा र सुजेन कार्कीको संगीत रहेको सिनेमामा रवी न्यौपानेको छायाँकन, निमेष श्रेष्ठको सम्पादन र विक्रम स्वारको कोरियोग्राफी छ ।