७ हजार नेपाली काम गर्ने कम्पनीमा धुर्मुस सुन्तली
एकिकृत नमुना सन्तपुर बस्ती निर्माणको सहयोगार्थ कलाकारद्वाय सिताराम कट्टेल र कुञ्जना घिमिरे दम्पत्ती धुर्मुस सुन्तली साँझको लागि साउदीमा छन् । कार्यक्रमसँगै उनीहरु त्यहाँका विभिन्न स्थानमा भ्रमण तथा अवलोकन पनि गरिरहेका छन् ।
यस्तैमा धुर्मुस र सुन्तलीले साउदीको अल्माराई कम्पनी अन्तर्गतको दूध डेरी र बेकरी उद्योग अवोलकन गरेका छन् । जुन कम्पनीमा ७ हजार नेपाली कार्यरत छन् । कम्पनीको अवलोकन गरेपछि सामाजिक अभियान्ता सिताराम लेख्छन्, यस्ता ठुला ठुला उद्योग देशमा नै खोल्न पाए सबै नेपालीले आफ्नै देशमा रोजगारी पाउने थिए । आफ्नै परिवार सँग रमाउने थिए । आफ्नै माटोमा पसिना बगाउने थिए । आशा गरौं त्यो दिन छिटै आउने छ ।
