मैथिलिमा पनि ‘राज्जा रानी’
फिल्म ‘राज्जा रानी’ नेपाली र मैथिलि भाषामा पनि प्रदर्शन हुने भएको छ । यो सँगै फिल्म अन्य मुलुकमा समेत प्रदर्शन हुँदैछ । आर्यन फिल्मस ब्यानरका रमेश एमके पौडेल र भोर कम्पनी प्रा.ली का सीईओ राज कुमार महतोबिच २० लाख रुपैयाँमा यस प्रकारको सम्झौता भएको हो । नेपालमा फिल्म आगामी पुष २१ देखि लाग्दैछ ।
यम थापा निर्देशित राज्जा रानी मा नाजिर हुसेन र केकी अधिकारीको मुख्य भूमिका रहेको छ । उनीहरुसँगै लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे, अशोक आचार्य लगायतको अभिनय छ । ताराप्रकाश लिम्बु र दीपक शर्माको संगीत, पुरुषोत्तम प्रधानको छायांकन, चन्दन दत्तको सम्पादन एवं विक्रम स्वारको नृत्य निर्देशन रहेको छ । चिप्पक चिप्पक गीत हेर्नुस् :
