साम्राज्ञीलाई दश लाखको भार
नायकहरुको पारिश्रमिकको चर्चा भैरहंदा पछिल्लो समय नायिका साम्राज्ञी राज्य लक्ष्मी शाह पनि फिल्ममा लिएको पारिश्रमिकका कारण चर्चामा आएकी छिन् । नायक आर्यन सिग्दलले बनाउन लागेको फिल्म ‘कायरा’ मा साम्राज्ञीले लिएको दश लाख पारिश्रमिक बाट उनको चर्चा भएको हो ।
सम्भवतः साम्राज्ञी दश लाख पारिश्रमिकमा फिल्म खेल्ने पछिल्लो पुस्ताकी पहिलो नायिका हुन् । त्यसैले उनलाई दबाब पनि गहिरो नै छ । दश लाख पारिश्रमिक लिएर काम गरेको फिल्म सुपरहिट हिट त हुनै पर्यो । सायद त्यसैले होला साम्राज्ञीको ‘फोकस’ यतिबेला ‘कायरा’ मा मात्रै छ । भिडियो हेर्नुस् :
आर्यनको फिल्म साइन गरेपछि साम्राज्ञीले एक बर्षका लागि अन्य फिल्म नखेल्ने निर्णय लिएकी छिन् । फिल्मका लागि प्रस्ताव गर्ने निर्माता र निर्देशकलाई उनले भेट समेत गरेकी छैनन् । ‘तिमी’ सँग रिलिजको पर्खाइमा रहेकी साम्राज्ञीले ‘कायरा’ पछि ‘ईन्टु मिन्टु लण्डन’ मा को बाँकी छायाँकन सक्नेछिन् ।
