शो बढाउँदै दोश्रो सातामा निशाको ‘झ्यानाकुटी’
निशा अधिकारीले निर्माण गरेको फिल्म ‘झ्यानाकुटी’ प्रदर्शनको दोश्रो सातामा प्रवेश गरेको छ । मल्टिप्लेक्समा शो संख्या बढाउँदै ‘झ्यानाकुटी’ दोश्रो सातामा पनि देशभर लागिरहेको छ ।
पहिलो साता फिल्मको व्यापार सुखद भएपछि निशा दंग छिन् । ‘नेपालबाटै लगानी उठ्छ भन्ने विश्वास छ’, निशा भन्छिन्, ‘पहिलो साताको व्यापारबाट खुसी छु ।’ दर्शक प्रतिक्रियाका कारण फिल्मले ‘पिकअप’ लिइरहेको निशा बताउँछिन् । तीन दिनमै फिल्मले एक करोड ग्रस कलेक्सन गरेको थियो । दर्शक प्रतिक्रिया हेर्नुस् :
फिल्मलाई सिमोश सुनुवारले निर्देशन गरेका हुन् भने सौगात मल्ल र वेनिशा हमालको मुख्य भूमिका रहेको छ । फिल्मले एक दम्पत्तीको पारिवारीक कलह र प्रेम लाई देखाएको छ । सौगात र वेनिशा सँग गरिएको रमाईलो कुराकानी हेर्नुस् :
