‘छक्का पञ्जा’ हेर्दा ऋचालाई उठ्यो रिस, टिमले लेखे ‘गेट वेल सुन’
फिल्म ‘छक्का पञ्जा’ ले नारीलाई शोषण गरेको आरोप नायिका ऋचा शर्माले लगाएकी छिन् । नारीलाई थप्पड हान्दा हलमा ताली बजाउने दर्शकदेखि आफुलाई रिस उठेको ऋचाले हालै राजधानीमा सम्पन्न एक गोष्ठीमा बताएकी हुन् ।
‘सबैजना रमाईलो मानिरहेका थिए । तर म चाहि आफुलाई मुर्ख जस्तै ठानिरहेको थिए’, ऋचाले भनेकी छिन् । ऋचाको यो भनाईलाई लिएर ‘छक्का पञ्जा’ टिम बिरोधमा उत्रिएको छ । फिल्मका सदस्यहरु निर्देशक दिपाश्री निरौला, लेखक तथा निर्माता दिपकराज गिरी, नायिका प्रियंका कार्की, बर्षा राउत, स्वस्तिमा खड्का लगायतले आफ्नो फेसबुकमा ऋचालाई लक्षित गर्दै यस्तो लेखेका छन् :
‘एक जना नायिकाले हाम्रो चलचित्र हेरेर तालि बजाउने दर्शक लाई मूर्ख भन्नु भएछ । प्रिय नायिका ज्यू दर्शकलाई मुर्ख भन्नु भएकोले नै तपाईका फिल्मले कहिल्यै दर्शक पाएनन् । Get Well Soon !’ ऋचाले बोलेको भिडियो हेर्नुस् :
