शहरसँगै रहर पनि ढल्यो ‘माई लभ’ गीत
जापानिज निर्देशकले बनाएको फिल्म ‘माई लभ’ को नेपाली स्याड भर्सन गीत ढल्यो ढल्यो सार्वजनिक गरिएको छ । गीतमा भुकम्प पछिको अस्तव्यस्त र धरहरा ढलेको चित्रण गरिएको छ । कलाकार गणेश लामा गीतमा फिचरिङ छन् । राज सागरको स्वर तथा संगीत रहेको गीतमा शुष्मा देवकोटाको शब्द छ । भिडियो हेर्नुस् :
‘माई लभ’ भूकम्पका समयमा सुरक्षाकर्मी र उद्दारकर्मीहरुले खेलेको प्रशंसनीय भूमिकामा आधारित छ । जापानी निर्देशक डा.तोसिआकी इतोहले निर्देशन गरेको चलचित्रमा गणेश लामा, नयाँ अनुहार शितल श्रेष्ठ, जापानी अभिनेत्री रिवन मित्सुतानीको मूख्य भूमिका रहेको छ । यस्तै नेपाली कलाकारहरु चैत्यदेवी सिंह, चाँदनी लामा, राजु भुजु, मञ्जु श्रेष्ठ र जापानी कलाकारहरु युइची हायाता, शुतारो मत्सुदा, काजुतोशी थासाका, ताक् मियामोतोको समेतको अभिनय हेर्न पाइनेछ ।
