प्रहरी पोशाकमा ‘बिराङ्गना’ शिल्पाको नृत्य
फिल्म ‘बिराङ्गना’ को हालै एक गीत छायांकन गरिएको छ । गीतमा नायक अनुप विक्रम शाही र नायिका शिल्पा पोखरेल दुवै प्रहरीको पोशाकमा प्रस्तुत छन् । गीतमा २ सय भन्दा बढि शशस्त्र प्रहरी, एक सय भन्दा बढि डान्सर र झण्डै तीन सय कोरस डान्सरको प्रयोग गरिएको नृत्य निर्देशक कविराज गहतराजको भनाई छ ।
गीतको बोल ‘तिमी पुलिस म नि पुलिस सेमसेम छ ड्युटी’ छ । गीतसँगै फिल्मको सम्पूर्ण छायांकन सकिएको छ । छायांकन शसस्त्र प्रहरी बल प्रधान कार्यालय, स्वयम्भुमा गरिएको हो । गीतको संगीतकार दिपक शर्मा हु्न । गीतसँगै फिल्मको सम्पूर्ण छायाँकन सकिएको छ । फिल्मको सम्पादन कार्य भैरहेकोे निर्देशक राज शहादुर सानेले बताएका छन् ।
‘बिराङ्गना’ मा अनुप र शिल्पाको अलवा धिरेन शाक्य, पृथ्वीराज प्रसाई ,प्रज्वल गिरि, प्रीया रिजाल, कृष्ण सिवाकोटी, देब तामङ, अमृत सापकोटा, अंशु थापालगायतको प्रमुख भुमिका रहेको छ । बाबुराम दास श्रेष्ठ, श्याम बहादुर थापा र रघु परियार फिल्मका निर्माता हुन् । सह-निर्मातामा देब तामाङ र सुमि चाम्लिङ राई रहेका छन् । फिल्ममा श्री श्रेष्ठको द्धुन्द र सञ्जय लामाको छायांकन रहेको छ ।
