प्रदीपको पर्खाइ र परिक्षा
फिल्म ‘प्रेम गीत’ र यसको सिक्वेल लगालग हिट भएपछि नायक प्रदीप खड्का युवा स्टारमा गनिएका छन् । अनमोलपछि निर्माता तथा निर्देशकको रोजाइमा प्रदीप नै पर्न आउँछन् । यद्पी प्रदीप पनि आफुले खेल्ने फिल्मप्रति सजग छन् । उनी हत्तपत्त फिल्म खेल्ने सम्झौता गर्दैनन् ।
प्रदीपले सोच विचार गरेर साइन गरेको फिल्म हो ‘लिलिबिलि’ । जसको यतिबेला लण्डनमा छायाँकन भैरहेको छ । मिलन चाम्सको निर्माण तथा निर्देशन रहने फिल्मलाई महत्वका साथ हेरिंदैछ, त्यो पनि प्रदीपको करिअरलाई लिएर । प्रदीपको चौथो फिल्म सम्भवतः बैशाखको दोश्रो सातामा रिलिज हुनेछ । लगभग दश महिनापछि दर्शकमाझ आउँदा प्रदीपको फिल्मप्रति पक्कै पनि दर्शकको अपेक्षा बढ्नेछ । अझ फ्यानका लागि त ‘लिलिबिलि’ ठुलो प्रतिक्षाको फिल्म हुनेछ ।
प्रतिक्षा सँगै प्रदीपका लागि ‘लिलिबिली’ परिक्षाको रुपमा पनि उभिएको छ । यो फिल्म हिट भएको खण्डमा प्रदीप थप ‘डिमाण्डेड’ नायकका रुपमा स्थापित हुनेछन् । यदि असफल भैदियो भने प्रदीपको करिअरलाई ठुलो धक्का पुग्नेछ । ‘लिलिबिली’ले प्रदीपको करिअरलाई कता पुर्याउला त ?
