काँ बैमान को ‘फिर्के’ ट्रेलर (ओ माई गड)
पुष २१ गतेदेखि प्रदर्शनमा आउने फिल्म ‘फिर्के’ को ट्रेलर रिलिज गरिएको छ । हाँस्य कलाकार रवि ढंगोल ‘काँ बैमान’ निर्देशित फिल्मको प्रोमो पनि हाँस्य प्रधान नै छ । विशेष गरी फिल्मका संवाद रमाईला छन् । प्रोमो हेर्नुस् :
कलाकार सुलेमान शंकर ईकु निर्मित ‘फिर्के’ मा उनी सहित अर्पण थापा, ऋचा शर्मा, क्रिष्टिना पौडेल, विष्णु सापकोटा, उज्जवल भण्डारी, पुरन थापा लगायत कलाकारहरुको अभिनय रहेको छ । अभिमन्यू निरवीको लेखन रहेको फिल्मलाई रामकुमार केसीको खिचेका हुन् । ओमलाल गुरुङ र राजेश श्रेष्ठ निर्माताको रुपमा छन् । प्रेसमिटको भिडियो हेर्नुस् :
बुधबार गरिएको फिर्के प्रेसमिटमा निर्माता संघका अध्यक्ष आकाश अधिकारी, निर्माता दिपकराज गिरी, कलाका जितु नेपाल लगायतले फिल्म सफलताको शुभकामना दिए । प्रेसमिटमा ऋचा र अर्पण दुवै उपस्थित थिएनन् ।
