लाग्यो फिल्मको खडेरी, ‘फाटेको जुत्ता’ फेरी प्रदर्शन
हलमा फिल्मको खडेरी लागेको छ । चुनावका कारण मंसिर महिनाभर ठुला ब्यानरले चुनौती नउठाएपछि फिल्मको खंडेरी लागेको हो । नयाँ फिल्म प्रदर्शनमा नआउँदा प्रदर्शन भैसकेका फिल्महरु पुनः प्रदर्शनमा आएका छन् ।
फिल्म ‘फाटेको जुत्ता’ यो शुक्रबारदेखि पुन प्रदर्शनमा आएको छ । सौगात मल्ल र प्रियंका कार्की स्टारर यो फिल्म ईनिसियल व्यापार राम्रो गरेको थियो । अर्जुन कुमार निर्मित फिल्मलाई निकेश खड्काले निर्देशन गरेका हुन् । यस्तै निशा अधिकारी निर्मित फिल्म ‘झ्यानाकुटी’ले पनि नयाँ फिल्म नआउँदा फाइदा उठाइ रहेको छ । सौगात र वेनिशासँग गरिएको रमाईलो कुराकानी हेर्नुस् :
मंसिर १ गतेदेखि ‘झ्यानाकुटी’ सोलो रुपमा प्रदर्शन भैरहेको छ । सिमोश सुनुवार निर्देशित फिल्ममा सौगात र वेनिशा हमाल मुख्य भूमिकामा प्रस्तुत भएकी छिन् । मंसिरको अन्तिम शुक्रबार फिल्म माई लभ लाग्दैछ ।
