‘कान्छी’ दुई देशमा बिक्री
श्वेता खड्काले बनाएको फिल्म ‘कान्छी’ को न्युजिल्याण्ड र अस्ट्रेलियामा प्रदर्शन अधिकार बिक्री भएको छ । अस्ट्रेलियाको फोरनेशन इण्टरनेशनल प्रा.लि ले फिल्मलाई दुवै देशमा प्रदर्शन गर्ने भएको हो । श्वेताको काया फिल्मस् प्रा.ली र फोरनेशनल बिच गएको साता दुई देशमा फिल्म चलाउने सम्झौता भएको छ ।
‘कान्छी’ प्रदर्शन गर्ने मिति भने छलफल भैहेको फोरनेशन इण्टरनेशनलका विज्नेश डेभलोपमेण्ट म्यानेजर कोमल पाठकले बताए । ‘दर्शकको मागपछि हामीले कान्छी लिएका हौं’, उनी भन्छन् । आकाश अधिकारी निर्देशित फिल्ममा श्वेता र अभिनेता दयाहाङ राईको मुख्य भूमिका छ । श्वेता र दयासँग गरिएको रमाईलो कुराकानी हेर्नुस् :
‘कान्छी’को ‘चरी चट्ट परी’ बोलको गीतले युटुवमा ४३ लाख बढी भ्युज पाएको छ । राजनरान सिवकोटीद्वारा संगीतवद्ध गीतले छोटो समयमै चर्चा पाइरहेको छ । फिल्मको प्रदर्शन मिति माघ २६ लाई तोकिएको छ । गीत हेर्नुस :
