‘लभ डायरीज’ मा सुशिलको लुक्स
नायक सुशिल श्रेष्ठ भिन्न लुक्स सहित नयाँ फिल्ममा अनुबन्धित भएका छन् । ‘होस्टेल रिटन्र्स’ डेव्यु यी सिक्स प्याक वाला एक्टर ‘लभ डायरिज’ मा लिड एक्टरमा अनुबन्धित भएका हुन् । यो फिल्मको लागि उनले भिन्न ‘ग्याङस्टर लुक्स’ समेत तयार गरेका छन् ।
सौरभ चौधरीले निर्देशन गर्ने ‘लभ डायरीज’ मा सुशीलसँगै रुबिना थापा, विश्वजित रिमाल, बिष्णु सापकोटा लगायतका कलाकार पक्का भएका छन् । सम्पादक साहिल खानले यो फिल्ममा ‘एसोसियट डाइरेक्टर’ को भूमिका निर्वाह गर्नेछन् । सम्पादन उनी आफैं र मिलन श्रेष्ठले गर्नेछन् ।
‘ईइस्टेर इन्टरटेनमेन्ट’ को व्यानरमा निर्माण हुने लभस्टोरी लभ डायरीज मा विनोद सापकोटाको निर्माण र बीबी ढकालको सह निर्माण रहनेछ । संजय लामाको छायाँकन, अर्जुन पोखरेलको संगीत र कविराज गहतराजको कोरियोग्राफी रहने फिल्मको मंसिर लगत्तै छायाँकन सुरु हुनेछ ।
