दोहोरिंदै हिट, हलमा छन् कुन-कुन ?
फिल्महरु ‘प्रेम गीत २’ र ‘दुई रुपैयाँ’ पुनः प्रदर्शनमा आएका छन् । यी दुई फिल्मलाई क्युएफएक्सले एक एक शो उपलब्ध गराएको छ । नयाँ फिल्म नभएपछि हिट फिल्म छान्दै हलले प्रदर्शन गरिरहेको छ ।
मंसिर महिनाका दुई चरणका चुनावका कारण ठुला फिल्महरुले आफ्नो मिति तोकेनन् । यस्तै प्रतिक्षित हिन्दी फिल्म ‘मद्यमावती’ डिसेम्वर १ मा आउने भएपछि धेरै फिल्महरु पछि हटेका थिए । तर, विवाद कारण ‘मद्यमावती’ पनि प्रदर्शनमा आएन । फलस्वरुप हलमा फिल्मको अभाव देखिन गयो । र, हलवाला प्रदर्शनमा आइसकेका हिट फिल्मलाई पुर्न प्रदर्शन गर्न बाध्य भए । आशिफ र निश्चलसँग गरिएको रमाईलो कुराकानी हेर्नुस् :
हाल हलमा ‘झ्यानाकुटी’, ‘फाटेको जुत्ता’, ‘छक्का पञ्जा २’ लगायत फिल्महरु लागि रहेका छन् । चुनावका कारण एकाध बाहेक ठुला ब्यानरका फिल्म प्रदर्शनमा आएका छैनन् । मंसिर २९ मा ‘माई लभ’ प्रदर्शनमा आउँदैछ ।
