‘मिस्टर झोले’ ट्रेलरमा के छ ?
रामबाबु गुरुङ निर्देशित फिल्म ‘मिस्टर झोले ‘को ट्रेलर रिलिज गरिएको छ । दयाहाङ राई, दिया पुन, बर्षा बुद्धि तामाङको मुख्य भूमिका रहेको फिल्मको प्रोमोमा कमेडी पञ्च पुग्ने गरी हालिएको छ । प्रोमो हेर्नुस् :
सिनेमा आर्ट र टेकेन्द्र खड्का प्रोडक्सनको संयुक्त निर्माण रहेको ‘मिस्टर झोले’ मा दयाहाङ, दिया, बुद्धि र बर्षा सँगै विजय बराल, प्रविण खतिवडा, अरुणा कार्की, पुष्कर गुरुङ लगायत कलाकारहरुको अभिनय रहेको छ । फिल्ममा रौनक विक्रम कंडेल कार्यकारी निर्माताको रुपमा रहेका छन् भने टेकेन खड्का निर्माता हुन् । निर्देशक गुरुङकै कथा तथा स्क्रिप्ट रहेको ‘मिस्टर झोले’ पौष २८ गतेदेखि प्रदर्शनमा आउँदैछ ।
