सुपरहिट ‘साइँली’ माथि फिल्म बन्ने
सुपरहिट गीत ‘साइँली’ को कथा माथि अब फिल्म बन्ने भएको छ । गीतको भिडियो बनाएको जिएच इन्टरटेनमेन्ट ब्यानरले नै फिल्म बनाउन लागेको हो । बिहीबार राजधानीमा औपचारिक कार्यक्रम गर्दै साइँली बनाउने घोषणा गरिएको हो । रामबाबु गुरुङले निर्देशन गर्ने फिल्ममा गौरव पहारी र मेनुका प्रधान मुख्य भूमिकामा प्रस्तुत हुनेछन् ।
फिल्म घोषणा कार्यक्रममा ‘साइँली’ गीतलाई युट्युबमा साढे २ करोड पटक हेरिएको सुखद अवसरमा जिएच इन्टरटेनमेन्टले केक काटेर खुसीयाली साटेको थियो । श्रम गर्न विदेश गएका श्रीमान र स्वदेश रहेकी श्रीमतीको पिडा भावलाई फिल्ममा पनि उतार्ने प्रयास गर्ने निर्देशक गुरुङले बताए । वरिष्ठ कलाकार टिका पहारीका छोरी गौरव पहाडीले ‘साइँली’ आफ्नो लागि टर्निङ प्वाइट हुने बताए । यता गायक राणाले कुनै सुपरहिट गीतमाथि फिल्म बनाउनु चुनौती हुने सुनाए ।
फिल्ममा अजय पोखरेल, विशाल गुरुङ, मोहन थापा निर्मातामा छन् । फिल्मको छायाँकन फागुनको पहिलो सातादेखि सुरु हुनेछ । लोकेशन पुर्वी क्षेत्र छानिएको छ ।
