‘पञ्चेबाजा’ मा मादल बजाउँदै सौगात र जस्मिन
फिल्म ‘पञ्चेबाजा’ को लोक लयको गीत सार्वजनिक गरिएको छ । सार्वजनिक ‘घिन घिन मादल’ बोलको गीतमा अभिनेता सौगात मल्ल र नायिका जस्मिन श्रेष्ठले कम्मर मर्काएका छन् । कविराज गहतराजको कोरियोग्राफी रहेको गीतको भिडियो यस्तो छ :
विकास चौधरीको संगीत रहेको गीतमा अञ्जु पन्त र डेविड शंकरको स्वर तथा प्रदीप भारद्वाज शब्द छ । न्यू भेनस फिल्मस्को व्यानरमा निर्माण भएको ‘पञ्चेबाजा’ सौगात र जस्मिनसँगै कर्म, बुद्धि तामाङ, सिर्जना सुब्बा, प्रकाश घिमिरे, सबिन बास्तोला, प्रमिला तुलाचन, देशभक्त खनाल, युवराज भण्डारी, तेज गिरी र राजेश शाहीको पनि अभिनय छ ।
घनश्याम लामिछाने निर्देशित फिल्मले एक गाउँका तीन पात्रको कथा बोल्छ ।
निर्देशक लामिछानेले यसअघि ‘धौली’ र ‘अग्नीदहन’ निर्देशन गरेका थिए । राजेश शाहीको लगानी फिल्ममा सारा गुरुङ सह निर्माता रहेको फिल्ममा कालीप्रसाद बाँस्कोटा र विकास चौधरीको संगीत छ । प्रदिप भारद्वाजको लेखन रहेको फिल्मलाई हरि घले लामाले खिचेका छन् । फिल्म फागुन ११ देखि प्रदर्शनमा आउँदैछ ।
