प्रदीप खड्काको ‘ऐरी’ मार्फत बलिउडमा डेव्यु
अभिनेता प्रदीप खड्काले फिल्म ’ऐरी’ मार्फत बलिउडमा प्रवेश गर्ने भएका छन् । निर्माण टिमले यसै साता टिजर सार्वजनिक गर्दै फिल्म निर्माणको औपचारिक रुपमा घोषणा गरेको हो ।
सार्वजनिक टिजरमा अभिनेता खड्का मात्रै फिचर्ड छन् । जीवन थापाले निर्देशन गर्ने फिल्ममा प्रदीपसँगै बाँकी अधिकांश भारतीय कलाकार रहनेछन् । यो फिल्मको छायांकन भारतमै हुनेछ । फिल्म हिन्दी सहित विभिन्न भाषामा समेत निर्माण हुने बताइएको छ ।
फिल्ममा सुवाष काले, प्रशान्तकुमार गुप्ता र राजन कुँवरको लगानी रहने छ । सुवास काले र प्रशान्तकुमार गुप्ता प्रदीपको फिल्म ’प्रेमगीत ३’को हिन्दी संस्करणका निर्माता हुन् ।
