जेठ १८ मा दयाको ‘गाउँ आएको बाटो’ आउने
नविन सुब्बा निर्देशित नयाँ फिल्म ’गाउँ आएको बाटो’ आउँदो सालको जेठ १८ गतेदेखि प्रदर्शनमा आउने भएको छ । अभिनेता दयाहाङ राईको मुख्य भूमिका रहेको फिल्म टोरोन्टो फिल्म फेस्टिवलमा वल्ड प्रिमियर भएको थियो ।
टोरोन्टो फिल्म फेस्टिवलका सँगै बुसान फिल्म फेस्टिवलमा समेत प्रशंसा बटुलेको यो फिल्मले नविन सुब्बालाई थप उचाइ प्रधान गर्ने विश्वास राखिएको छ । फिल्ममा दयाहाङ राई, पशुपति राई तथा प्रसान राईको प्रमूख भूमिकामा छन् । निर्देशक सुब्बा निर्देशित पहिलो फिल्म ’नुमाफुङ’ ले प्रशंसा बटुलेको थियो । फिल्मको पटकथा निर्देशक सुब्बाले महेश सुब्बासँगको सहकार्यमा लेखेका छन् । मेन्छ्याम फिक्चर्स तथा बुँसुरी फिल्मसको संयूक्त ब्यानरमा निर्माण भएको सिनेमाका निर्माता अमोद राई र निर्देशख सुब्बा हुन् ।
फिल्मले पूर्वी नेपालको हिमाली क्षेत्रमा बाँसको चोयाबाट डोकाडालो बनाएर जीवन यापन गर्ने माइला(दया), माइली(पशुपति राई) र उनीहरुको सात वर्षे छोरा बिन्द्रे(प्रसान राई)को सो गाँउमा मोटरबाटो भित्रिएसँगै आएका आधुनिक परिवर्तनले ल्याउने उथलपुथल, संघर्षको कथा पेस गर्छ ।
फिल्मले मूल पात्रले पछ्याउँदै आएको परप्परागत जीवन शैली माथि के गर्ने भनेर लिने कदममा फिल्मको कथा प्रस्तुत भएको छ ।
