तुलसी घिमिरे ‘दर्पण छायाँ २’ पछि ’पहाड’ निर्देशन गर्दै
अग्रज निर्देशक तुलसी घिमिरे नयाँ फिल्म ‘पहाड’ घोषणा गरेका छन् । पछिल्लो फिल्म ‘दर्पण छायाँ २’ पछि निर्देशनबाट केही समय विश्राम लिएका निर्देशक घिमिरेले माघेसंक्रान्तिको अवसर पारेर फिल्मको शिर्षक घोषणा गरेका हुन् ।
विपिन कार्कीको अभिनय रहने फिल्ममा लेखन तथा निर्देशन तुलसी घिमिरेको रहनेछ । यसमा ओजश्वी केसी निर्माता, प्रमोद प्रधान डिओपी, रञ्जित गजमेर सङ्गीत निर्देशक, भारती घिमिरे क्रिएटिभ निर्देशक रहेका छन् ।
रिम्पोछे लामा थिङ्ग र सुरेश लामा थिङ्ग सह निर्माता रहेको फिल्म नेपालमा वैङ्क्टेश इन्टरटेनमेन्ट र डायस्पोरामा सेभेन सिज इन्टरनेशनल फिल्म्सले वितरण गर्नेछ । यसको टाइटल मोसन ओएसआर डिजिटलमार्फत सार्वजनिक गरिएको छ ।
