आर्यन र प्रदीपपछि ‘पूजार सार्की’मा पल शाहको प्रवेश
फिल्म ‘पूजार सार्की’मा नायक पल शाह अनुबन्धित भएका छन् । अभिनेताद्वया आर्यन सिग्देल र प्रदीप खड्कापछि पल उक्त फिल्ममा पक्का भएका हुन् ।
पल शाह अनुबन्धित भएसँगै ‘पूजार सार्की’प्रति थप कौतुहलता पैदा भएको छ । किनकी आर्यन, प्रदीप र पल पहिलो पटक एकसाथ अभिनय गर्दैछन् । फिल्मलाई दिनेश राउतले निर्देशन गर्दैछन् भने निर्माण सुभाष भूषालको छ । फिल्मको कथा विकास सुवेदीको हो ।
फिल्मको छायाँकन माघ महिनाको पहिलो साताबाट सुरु गरिने निर्देशक राउतले जानकारी गराएका छन् । फिल्ममा तीन जनै अभिनेताको महत्वपूर्ण भूमिका रहने उनको भनाई छ ।
